K.O. 小巴司機

銅鑼灣前往元朗經屯門的小巴，每程$25元。
但是否能夠安全快捷抵達元朗及屯門，就看個人運氣；以忘命小巴見稱的紅色小巴，超速DAN彎己經是很平常的事。因為長途，多數中途已經餘下少於半數的乘客，乘客被司機要求中途轉乘另一輛同線小巴，乘客都習已為常。經營成本高企，乘客一般都會體諒方便一下，讓司機可以再回起點走一轉，賺取多一程車資。
對於住在屯門虎地的我，十程小巴當中，至少八程需要轉乘１次，甚至３次車才能到達。
一般程況下，我都會方便司機，轉轉車，無傷大雅。但這班司機中有一些會很不付責任，任意罔為。
他們覺得只要將乘客轉到另一部小巴就覺得完了責任；不理乘客以後再要轉多少次車，甚至非常大聲的在無線通訊機中說：比８蚊個客，係屯門站頭放低佢轉元朗小巴。
天呀！怎樣說我也付了$25元!付了錢，不是應該將我一程送往目的地嗎？
他們有些更會扭曲道理，惡言對待付了車資的乘客。
今天令我氣憤極了的一個司機，就是活生生的例子。
今晚９：３０下班，疲累極了的身驅不想再等地鐵轉了又轉，乘搭小巴，主要是不想沒位坐，不想轉車，更加想快點回家。
轉一次車，習慣了。可惜坐在前座的我，聽到了小巴司機們在無線通訊機中的對話：
Ａ：有幾多個？幫唔幫到手？
Ｂ：放低８蚊比個客過黎我車，我幫你放低係市中心
聽到了己經心知不妙，司機給了我$8元要求我轉車，我轉車了對司機客氣的說：可否不要給我轉到元朗小巴？
因為在市中心往元朗的小巴，不是立即開車，不幸的話，需要等15-30分鐘才開車。我試過一次了。晚上10時，更加不知道要等多久。
Ｂ：你個客唔肯轉車喎
Ａ：你叫佢個番黎先啦咁
我又要回到剛才那輛小巴，那個小巴司機Ａ兇巴巴的對著我，可見我人仔細細，便開口大鬧...
A:叫你方便下又唔肯，咁麻煩(差點想講粗口的口吻）
我：我比左錢個喎，你地叫Ｄ乘客轉完又轉，比低８蚊個客叫個客自己轉第二條線就算...
Ａ：咁你落唔落車丫？（好兇）
我：我唔落呀，有咩理由你地收左錢當個客似貨咁轉黎轉去？轉１次都算啦，仲要轉２次...（我開始火黎）
Ａ：算啦, 我比番25蚊你, 你搭第二格元朗小巴
(因為在青龍頭，很少元朗小巴願意上客，天氣冷，我當然拒絕）
Ａ：我同你落車截元朗小巴啦，落黎！
（我心想：你當我傻O家，我落了車你仲唔走？）
Ａ：落車，轉第二格小巴我：你截到格唔洗再轉既小巴，我未上囉...
Ａ：有格小巴黎緊啦（很明顯沒有車），落車啦...(當然我沒理他）
當有另一輛車到來，小巴司機Ａ還對司機Ｃ說：我比左８蚊個客，你係屯門站DUP低佢轉車啦...
幸好司機Ｃ見我要求不轉車，他本來想在屯門市中心放低其他乘客就走，最後都唯有載我到達終點站。
其實，屯門市中心的那個站，距離我家只不過５分鐘車程，當乘客方便司機，司機也該給乘客一個方便吧。

說回頭，發洩了心中的那團火...舒服多了